💫 Bahu Hona Koi Batata Nahi — Par Ab Main Apni Pehchaan Khud Likhoongi
💫 Bahu Hona Koi Batata Nahi — Par Ab Main Apni Pehchaan Khud Likhoongi By Juhi — Juhi the Explorer “Bahu ka hona aasan nahi hota, aur koi batata bhi nahi.” Na maa sikhati hai, na koi kitaab. Shaadi ke baad ek naya chapter khulta hai — jisme tumse umeed hoti hai ki tum har role perfect tareeke se nibha lo. Ek naya ghar, naye log, naye rishte. Aur tumhara asli "tum" dheere dheere kahin peeche chhoot jaata hai. Bina complain kiye, bina roye, sirf muskurana seekh liya jaata hai. Lekin... kab tak? Har baar sirf bahu hi kyun adjust kare? Har baar sirf usi se kyun kaha jaata hai “tum samajhdar ho, tum hi chup ho jao”? Par ab main chup nahi hoon. Main zinda hoon, mehsoos karti hoon, aur bol bhi sakti hoon. 🌼 Aaj Ka Daily Dose “Main sirf doosron ke liye nahi jee rahi hoon. Ab main khud ke liye bhi khadi ho rahi hoon. Main apne emotions ko dabane ke bajaye, unhe sun rahi hoon. Main apni pehchaan khud likhne nikli hoon — ek ek kadam mein apne aap ko wapas pa rahi ...