Un Haathon Mein Maa Ka Sparsh
Un Haathon Mein Maa Ka Sparsh Aaj ka din… dil ke bahut kareeb tha. Aaj main apni Naniji se mili. Yeh photo sirf do haathon ki nahi hai… Yeh ek kahani hai — meri, meri Maa ki, aur meri Naniji ki. Ek taraf mere haath… soft, young, zindagi se bhare hue. Aur doosri taraf… meri Naniji ke haath… jismein har ek line, har ek wrinkle, ek kahani suna raha hai. Unke haath dekhkar lagta hai jaise waqt ruk sa gaya ho… 96+ saal ki zindagi… kitni yaadein, kitni kahaniyaan, kitna pyaar. Main Kalyan, Mumbai mein badi hui… Aur Naniji Prayagraj mein rehti hain. Zindagi ne mujhe phir se Prayagraj le aaya… meri shaadi ke baad. Aur shayad isi liye… mujhe yeh blessing mili ki main unke paas hoon. Jab bhi thoda free time milta hai… main bas unse milne chali jaati hoon. Par Naniji sirf meri Naniji nahi hain… Woh meri Maa ka ek hissa hain . Maa humein chhod kar 18 saal pehle chali gayi… Par sach kahun… kabhi kabhi lagta hai woh gayi hi nahi. Kyunki jab Naniji mujhe dekh kar muskurati hain… jab woh mere sir p...